Search This Blog

Tuesday, 26 September 2023

राजस्थान साहित्य अकादमी के पुरस्कारों में छाए 'इक्कीस' के विद्यार्थी


अकादमी द्वारा वर्ष 2023-24 के घोषित वार्षिक पुरस्कारों में पांच पुरस्कार लेकर रचा नया इतिहास


उदयपुर। 26 सितंबर। ग्रामीण क्षेत्र में शिक्षा की अलख जगा रहे इक्कीस संस्थान के विद्यार्थियों ने राजस्थान साहित्य अकादमी द्वारा मंगलवार को घोषित हुए वार्षिक पुरस्कारों में से पांच पुरस्कार जीतकर नया इतिहास रच दिया है। बीकानेर संभाग में यह पहला अवसर है जब एक ही शिक्षण संस्थान के पांच विद्यार्थी साहित्य के क्षेत्र में पुरस्कृत होंगे। 

इक्कीस कॉलेज के दामोदर शर्मा, पवन गोसांई,और कौशल्या जाखड़ तथा इक्कीस एकेडमी फॉर एक्सीलेंस की छात्र द्रौपदी जाखड़ और करुणा रंगा को साहित्य की अलग-अलग विधाओं में वर्ष 2023-24 के पुरस्कार देने की घोषणा हुई है।


अकादमी सचिव डॉ. सोलंकी ने बताया कि संचालिका-सरस्वती बैठक अनुमोदन के पश्चात अकादमी अध्यक्ष डॉ. दुलाराम सहारण ने विद्यालयी-महाविद्यालयी पुरस्कार की घोषणा की। विजेता विद्यार्थियों में चंद्रदेव शर्मा पुरस्कार के तहत कविता के लिए दामोदर शर्मा, इक्कीस कॉलेज गोपल्याण-लूनकरनसर, कहानी के लिए सुरेंद्र सिंह, राजस्थान विश्वविद्यालय, जयपुर, एकांकी के लिए अमनदीप निर्वाण, एसएसएस कॉलेज, तारानगर, निबंध के लिए पवन कुमार गुसांई, इक्कीस कॉलेज, गोपल्याण को दिया जाएगा। वहीं परदेशी पुरस्कार के तहत कविता के लिए शुंभागी शर्मा, राउमावि भवानीमंडी-झालावाड़, कहानी के लिए परी जोशी, द स्कोलर्स एरिना, उदयपुर, निबंध के लिए करुणा रंगा, इक्कीस एकेडमी फॉर एक्सीलेंस, गोपल्याण, लघुकथा के लिए द्रोपती जाखड़, इक्कीस एकेडमी फॉर एक्सीलेंस, गोपल्याण को दिया जाएगा। वर्ष 2023-24 का सुधा गुप्ता पुरस्कार निबंध के लिए इक्कीस कॉलेज, गोपल्याण की कौशल्या को दिया जाएगा।

संस्थान की अध्यक्ष श्रीमती आशा शर्मा ने विद्यार्थियों की इस उपलब्धि पर खुशी जाहिर करते हुए कहा कि यह सही मायने में टीम वर्क का प्रयास है। संस्था सचिव डॉ. हरिमोहन सारस्वत ने विद्यार्थियों के प्रयासों की प्रशंसा की और मंजिल पाने की दिशा में इसे बड़ा कदम बताया। संस्था के प्राचार्य राजूराम बिजारणियां ने इसे साहित्य की जमीन में नवांकुरों का ऊगना बताया है।

इस ऐतिहासिक उपलब्धि पर सरोकार से जुड़े डॉ.मदन गोपाल लढ़ा ने खुशी का इज़हार करते हुए बताया कि गत कई वर्षों से लूणकरणसर में सरोकार संस्थान के माध्यम से साहित्यिक वातावरण बना है, यह गौरवान्वित करने वाला है। सरोकार संस्थान से जुड़े ओंकारनाथ योगी, गोरधन गोदारा, रामजीलाल घोड़ेला, छैलूदान चारण, दलीप थोरी, जगदीशनाथ भादू, केवल शर्मा, दुर्गाराम स्वामी, कमल पीपलवा, कान्हा शर्मा, रामेश्वर स्वामी, भूपेन्द्र नाथ सहित विभिन्न जनों ने बधाई प्रेषित की।

Sunday, 24 September 2023

पालिका की बिगड़ी व्यवस्था को सुधारना मेरी प्राथमिकता : भाटिया

 

- प्रेस क्लब, की 'संवाद' श्रृंखला में पालिकाध्यक्ष हुए रूबरू


सूरतगढ़, 24 सितंबर। 'यह सच है कि नगर पालिका में व्यवस्थाएं बिगड़ी हुई हैं लेकिन मैं उन्हें दुरुस्त करने का भरसक प्रयास कर रहा हूं। मुझे जिस विश्वास के साथ नगरपालिका की कमान सौंपी गई है उस भरोसे को टूटने नहीं दूंगा।' यह कहना है नगरपालिका सूरतगढ़ के नवनियुक्त अध्यक्ष परसराम भाटिया का।


रविवार को व्यापार मंडल, सूरतगढ़ के सभागार में आयोजित प्रेस क्लब के कार्यक्रम 'संवाद' में बोलते हुए भाटिया ने गंभीरता पूर्वक प्रेस के सवालों के जवाब दिए और अपनी कार्य योजनाओं की जानकारी दी। सड़कों और नालियों से लेकर सीवरेज तक के मुद्दों पर उन्होंने साफगोई से अपनी बात कही। उनका कहना था कि पदभार संभालने के साथ ही उन्होंने बिना किसी भेदभाव के शहर के सभी 45 वार्डों में विकास कार्यों के टेंडर जारी किए हैं। उन्होंने इस तथ्य को भी स्वीकारा कि नियम कायदों के बावजूद पालिका कई पार्षद ठेकेदारी में लिप्त है। शहर में बढ़ते अतिक्रमणों को लेकर भी वे चिंतित दिखाई दिए। कमीशन के सवाल पर उनका कहना था कि पद संभालने से लेकर आज तक उन्होंने एक रूपया भी कमीशन में नहीं लिया है। कार्यक्रम में शहर के गणमान्य नागरिकों, व्यापारियों और प्रेस के लोगों ने भी पालिकाध्यक्ष से सवाल-जवाब किये। भाटिया ने उन्हें भरोसा दिलाया कि यदि उन्हें काम करने के लिए पर्याप्त समय मिला तो वह शहर की सड़कों और सीवरेज व्यवस्था को सुधारने की भरसक कोशिश करेंगे।


कार्यक्रम में समाजसेवी ललित सिडाना, व्यवसायी प्रवीण अरोड़ा, भूषण भठेजा, सुमन मील, रजनी मोदी, डॉ विशाल छाबड़ा, शिक्षाविद पी.डी. शर्मा बार संघ अध्यक्ष एडवोकेट अनिल भार्गव,एडवोकेट पूनम शर्मा,श्रीकांत शर्मा,पार्षद मदन औझा, जनता मोर्चा के ओम राजपुरोहित,रमेश माथुर, मेडिकल एसोसिशन सचिव देवेंद्र शर्मा, पवन तावनिया,मानव सेवा समिति के देवचंद दैया, राजकुमार सैन, किशन स्वामी, योगेश स्वामी, आकाश दीप बंसल सहित गणमान्य लोग मौजूद रहें।


गौरतलब है कि प्रेस क्लब, द्वारा प्रशासन और जनसामान्य के बीच व्याप्त संवादहीनता को समाप्त करने के उद्देश्य से संवाद श्रृंखला शुरू की गई है। क्लब के अध्यक्ष डॉ. हरिमोहन सारस्वत के अनुसार इस श्रृंखला में प्रत्येक माह किसी एक जनसेवक अथवा पुलिस-प्रशासन के अधिकारी को आमंत्रित कर संवाद किया जाएगा। संवाद के बाद जनसामान्य भी अपने सवाल उठा सकेंगे और सुझाव दे सकेंगे।

Monday, 18 September 2023

मायतां रै करजै सूं उऋण होवण री खेचळ है सिरजण साख रा सौ बरस

(नंद भारद्वाज री अन्नाराम सुदामा साहित माथै सम्पादित ‘पोथी सिरजण साख रा सौ बरस’ बांचता थकां......)

धिन-धिन अे धोरां री धरती राजस्थानी मावड़ी

वीर धीर विद्वान बणाया खुवा खीचड़ो राबड़ी।


हिंदी सिनेमा जगत रै चावै गीतकार स्व. भरत व्यास रो ओ दूहो मरूधर रै मानवी री खिमता रो बखाण करै। लगोलग पड़तै अकाळ बिच्चाळै जियाजूण री अबखायां सूं बांथेड़ा करतो मरूधर रो मानवी आपरी मैणत अर खिमता सूं धर री सोभा बधावण रा अगणित कारज करया है। कदास इणी कारण कानदान ‘कल्पित’ सिरखै लोककवियां बां मिनखां नै आभै रा थाम्बा कैय’र बिड़दायो है जिकां रै पड़्यां आभो ई हेठै आय पड़ै।


राजस्थानी साहित में इणी ढाळै रै अेक मानवी अन्नाराम सुदामा रो नांव आवै जिकां रै सिरजण रो जस सात समदरां पार जा पूग्यो है। आधुनिक राजस्थानी भासा अर साहित्य रै किणी पख री बात होवै तो सुदामा री चरचा बिना पूरी नीं हो सकै जिकां आपरी निरवाळी रळियावणी भासा, बुणगट अर कथ्य रै पाण राजस्थानी साहित्य में अळघो मुकाम बणायो। आपरी कैबत अर ओखाणां लियां बांरी घड़त सैं सूं न्यारी, संवेदना रा सुर इत्ता ऊंडा, कै सीधा पाठकां रै काळजै उतरै। कहाणी होवै चायै उपन्यास, कविता होवै का पछै निबंध, सुदामा रै रचाव में गंवई सादगी अर सरलता तो लाधै ई, धरती री सोरम अर मानवीय मूल्यां नै परोटती बांरी रचनावां री पठनीयता गजब है। जातरा संस्मरण तो अेक’र सरू करयां पछै पाठक छोड़ ई नीं सकै। सांची बात तो आ, कै सुदामा आपरै रचाव सूं राजस्थानी साहित्य रै भंडार नै जिकी सिमरधी अर ऊंचाई दी है, उणी हेमाणी नै अंवेरता थकां घणकरा कूंतारा अर पारखी बान्नै राजस्थानी रो प्रेमचंद मानै। 


राजस्थानी रै इणी प्रेमचंद यानी अन्नाराम सुदामा री जलमशती-2023 रै मौकै अेक घणी अमोलक पोथी आई है ‘सिरजण साख रा सौ बरस’। आ अेक संचयन पोथी है जिणमें राजस्थानी रा सिरैनांव रचनाकार अन्नाराम सुदामा री साहित्य जातरा री विवेचना है, विद्वजनां रा आलोचनात्मक आलेख है अर रचनावां री बानगी है। इण पोथी रो सम्पादन चावा-ठावा कवि, कथाकार अर समालोचक नंद भाऱद्वाज करयो है। भारद्वाज आपरी भूमिका पेटै लिखै कै किणी समर्थ सिरजणहार रौ शताब्दी बरस उणरै सिरजण-अवदान नै चितारण, अंवेर-परख करण अर बांनै आदरमाण देवणै रो सगळां सूं ओपतो सुअवसर मानीजै। म्हूं जाणूं कै हर औलाद पर आपरै मायत रो अेक करजो होवैे जिण सूं उऋण होवण री खेचळ सगळा ई आपरै डोळ सारू करै। नंद भारद्वाज री आ खेचळ ई उणी करजै नै उतारण री अेक सबळी सोच है जठै बै मायत सरीखै आपरै आगीवाण रचनाकार रो रचाव, उण रचाव माथै आलोचनात्मक दीठ अर सिरजण रा निरवाळा पख अेक संचयन में सामीं लावै। सुदामा सूं मिली सीख नै आगै बधावण री बात ई इण पोथी रो सार है।

 

पोथी री भूमिका में नंद भारद्वाज सुदामजी रै सिरजण रै न्यारै-न्यारै पख री बात करै। सुदामा री कविता रै पेटै बै लिखै कै सुदामा री पिछाण अर चरचा भलांई कथाकार रै रूप में रैयी होवै पण कविता सूं बांरो मनचींतो लगाव सदांई गाढो रैयो। भारद्वाज री इण बात री साख सुदामा रा च्यारूं कविता संग्रै ‘पिरोळ में कुत्ती ब्याई’, ‘व्यथा कथा अर दूजी कवितावां’, ’ओळभो जड़ आंधै नै’ अर ’ऊंट रै मिस: कीं थारी म्हारी’ भरै। सुदामा री कविता ‘पिरोळ में कुत्ती ब्याई’ तो आज भी साहित रसिक लोग घणै चाव सूं पढै अर सुणा बो’करै। इण पोथी में सम्पादक भारद्वाज सुदामा री कहाणियां, उपन्यासां अर दूजी विधावां माथै बात करी है। सुदामा री रचनावां रा सबळा पख पाठकां सामीं राख्या है। इण रै साथै ई बां सुदामा-साहित्य पर राजस्थानी रै इग्यारा चावै-ठावै कूंतारां रा कीं जूनां, अर कीं नवा आलेख ई इण संचयन में राख्या है जिण सूं ओ संकलन घणो महताऊ बण्यो है। आं आलेखां नै बांचां तो ठाह पड़ै, कै सुदामा रो मुकाम आपरै समकालीन लिखारां सूं निरवाळो क्यूं है। आं आलेखां में सुदामा री कहाणी, सातूं उपन्यासां अर निबंधां माथै सांतरी आलोचनात्मक विवेचना होई है। खुद सम्पादक सुदामा रै जगचावै जातरा संस्मरण ‘दूर दिसावर’ माथै ‘फौड़ां सूं फायदौ’ नांव रो आलेख लिख्यो है। लगै-टगै सै कूंतारा अेक सुर में सुदामा नै राजस्थानी साहित्य रो मोटो थाम्बो मानै, कदास आ पिछाण ई सुदामा री सैं सूं ठावी ओळखाण है।

संचयन रै सरूपोत में सुदामाजी रै मोभी बेटै डाॅ. मेघराज शर्मा री बात ई छप्योड़ी है, जिण में बै सुदामाजी रै व्यक्तित्व बाबत पाठकां नै रूबरू करावै। संचयन रै पैलड़ै आलेख में डाॅ. नीरज दैया सुदामाजी री कहाणियां मुजब लिखै कै सुदामा रै राजस्थानी कथा साहित्य रा केई पख है। ग्रामीण जनजीवन सूं जुड़ी बांरी कहाणियां मांय सामाजिक सरोकार, जीवण मूल्य, संस्कार अर मिनखपणै री जगमगाट जाणै बगत नै दीठ दे रैयी है। बै प्रगतिषील अर जूनी मानसिकता रा अेकठ कहाणीकार है। डाॅ. आईदानसिंह भाटी सुदामाजी नै राजस्थानी उपन्यास रो ‘इकथंभियौ-म्हल’ बतावै। ‘समाजू बदळाव रा सजग चितेरा अन्नाराम सुदामा’ सिरेनांव सूं लिख्योड़ै आलेख में भाटी लिखै कै सुदामा जी रै उपन्यासां रै कथानकां री नींव में स्त्री है। बां रै सिरजण में स्त्री री मानसिकता रा सबळा अर दूबळा दोवूं रूप मांडिज्या है। इण रै साथै ई सुदामा दलित समाज री दसा अर उत्थान री बात नै भोत सांवठै ढंग सूं पाठकां सामीं राखै। इण रचाव में सुदामा री भासा शैली री बात करां तो बा समकालीन ग्रामीण राजस्थानी भाषा है जिणमें लोक प्रचलित अरबी-फारसी, पंजाबी अर संस्कृत रा तत्सम सबदां रो ई प्रयोग मिलै पण उण नै समझणै में कोई अबखाई नीं होवै।

डाॅ. गजेसिंह राजपुरोहित रो कैवणो है कै राजस्थानी उपन्यास विधा नै सुदामाजी जिकी ऊंचाइयां दिराई, आमजन में राजस्थानी उपन्यास री जिकी पिछाण कायम करी बा लोक रै चित्त में ‘आंधी अर आस्था’ का ‘मेवै रा रूंख’ रै रूप में आज लग उणीज भांत मंडियोड़ी है। इण उजळी ओळखाण दिरावण सारू ई  राजस्थानी उपन्यासकारां में  सुदामा रो नांव सैं सूं सिरै है। गजेसिंह आपरै आलेख में सुदामाजी रै सातूं राजस्थानी उपन्यासां री पड़ताल करै अर बांरी लेखन शैली सूं सीख लेवण री बात बतावै। डाॅ. गजादान चारण रै मुजब सुदामा रै रचाव री नायिकावां नारी जूण री अबखायां सूं आंख मिलावती, पग-पग माथै ऊभै अवरोधां नै ठोकरां सूं उडावती, लायकी सामीं लुळती अर नालायकी माथै कटकती संघर्ष री लाम्बी सड़की नापै पण ईमान अर अस्मत माथै आंच नीं आवण देवै।

डाॅ. पुरूषोत्तम आसोपा सुदामा नै धरती री आस्था रो कथाकार मानै। बां रै मुजब धरती सूं छेड़ै नीं बां रो कोई कथाछेत्र है अर नीं किणी भांत रै जीवण री आचार संहिता। बां रै रचाव में नीं तो धोरां रो अणूतो सिणगार दिखै नीं किणी कामण गोरड़ी री बांकी छवियां, नीं तो प्रेमकथा रा सबड़का, नीं जोधारां रा कळा करतब। बस सो कीं धरती रै ओळै-दोळै घूमै। आसोपा अेक और ठावी बात बतावै, कै सुदामा फगत कड़वै जथारथ रा ई चितेरा लेखक कोनी, बांरै मांय आदर्स री भावना ई कूट-कूट नै भरियोड़ी है। इण दीठ सूं बांरी चेतना जूनी पीढ़ी रा मूल्यां नै घणो मान देवै। सुदामा रै उपन्यास ‘मेवै रै रूंख’ नै माधोसिंह इंदा समाजू बदळाव री करूण कथा बतावै। बां रै मुजब ओ उपन्यास अेक गांव री कथा रो सांचो दस्तावेज है जिणमें करसां री करूण दसा रा चितराम सामीं आवै।

पोथी में सामल आलेखां में डाॅ. गीता सामौर रो ‘मैकती काया, मुळमती धरती’ उपन्यास माथै लिखिज्योड़ो आलेख ई सरावण जोग है। सुदामा रै इणी उपन्यास में डाॅ. गौरीशंकर प्रजापत नै लोकजीवन रा न्यारा-न्यारा तत्व लाधै। बांरै आलेख मुजब इण में बैम, सक, हेत-समानता, भाईचारो, धरमेला, तंतर-मंतर, अंधविस्वास, कुंठावां, विकार, सुगन-अपसुगन आदि लोकतत्वां रा लूंठा दरसण होवै।  श्याम जांगीड़ आपरै आलेख में सुदामा रै उपन्यास ‘आंधी अर आस्था’ री विवेचना करी है अर इण रचाव नै काळ सूं कळीजतै मानखै री गाथा बतायो है। बै लिखै कै इण उपन्यास री सगळां सूं लूंठी खासियत इणरी रळियावणी भासा है जिण में माटी री सोरम निगै आवै। डाॅ. अरूणा व्यास रै मुजब सुदामा रो रचाव लोक जीवन रो जीवतो जागतो चितराम है। बै आपरै साहित्य में समाजू रीत-कायदां नै बांरी व्यापकता में बरततां थकां उणसूं उपजण वाळै लखाव नै आपरै पाठकां तांई पुगावण रो काम करै। 

अेक जूनो आलेख बुलाकी शर्मा रो ई सामल करीज्यो है जिण मांय बां सुदामा रो इंटरव्यू लेवता थकां री बंतळ लिखी है। अेक सवाल रै पड़ुत्तर में सुदामा जी कैवै, ‘म्हानै लिखणै में रस आवै, लिखतो रैवूं। लोगां सूं मिल’र खुद नै अेक्सपोज करणो म्हानै कोनी आवै।’ बांरी आ साफगोई बान्नै समकालीन रचनाकारां सूं अळघो मुकाम दिरावै। इणी बंतळ में सुदामा आलोचना रै पेटै कैवै, ‘आलोचना भासा, भाव अर कथ्य री दीठ सूं होवणी चाइजै पण राजस्थानी में ओ पख कमजोर है।

पोथी रै दूजै खंड में सुदामाजी री टाळवीं रचनावां रो संचयन है जिणमें बानगी रै तौर पर कविता, कहाणी, उपन्यास, जातरा संस्मरण भेळै निबंध ई सामल करीज्या है। इण खंड रै सरूपोत में सुदामा रै दूजै कविता संग्रै ‘व्यथा कथा अर दूजी कवितावां’ री दोय रचनावां ‘आंधी लालसा’ अर ‘अेक उदास संज्ञा’ पढण नै मिलै। बांरी काव्य पोथी ‘ऊंट रै मिस थारी: म्हारी सगळां री’ सूं ई दो अंस सामल करीज्या है। अठै कैवणो चाइजै कै कवितावां रै पेटै सम्पादक रै चयन री आपरी दीठ है। इणी भांत कहाणी खंड में सुदामा री चावी-ठावी कहाणी आंधै नै आंख्यां तो है ई, उण रै साथै ’सुलतान: नेकी रो सम्राट’ अर ’अखंडजोत’ ई सामल होई है। अे कहाण्यां सुदामाजी रै कथा साहित्य री प्रतिनिधि रचनावां कैयी जा सकै। उपन्यासां री बात करां तो ‘मैकती काया, मुळकती धरती’, ‘मेवै रा रूंख’ अर ‘घर-संसार’ रा अंस सामल करीज्या है। लोकचावै जातरा संस्मरण ‘दूर-दिसावर’ रो ई अेक भाग इण संचयन में पढण नै मिलै। सुदामाजी री निबंध पोथी ‘मनवा थारी आदत नै’ रा दो निबंध भी है जिण सूं ओ संचयन अेक समग्र रै नेड़ै-तेड़ै जा पूग्यो है। 

संचयन में रचनावां रो चयन घणो अबखो काम होवै, सम्पादक कुणसी रचना लेवै अर कुणसी छोड़ै ! अर जे काम ई सुदामाजी सिरखै सिरजक री साहित्य जातरा रो होवै तो पछै हाथ घालै ई कुण ! साहित्य री लगैटगै सगळी विधावां में लिखणियै सुदामाजी री रचनांवां सूं संचयन सारू छंटाई करणी घणी दोरी, पण नंद भारद्वाज इण काम नै आपरी ऊंडी अर पारखी दीठ सूं पार घाल्यो है। बांरी खेचळ रो सार ओ है कै सुदामाजी री जलमशती रै मौकै राजस्थानी रै पाठकां अर शोधार्थियां सारू अेक महताऊ दस्तावेजी पोथी सामीं आई है जिण में सुदामा-साहित्य रै लगटगै सगळै पखां नै परोटिज्यो है। लखदाद है नंदजी नै, बांरी खेचळ नै !

पण अबै सुदामाजी री सीख नै आगै बधावां। बांरै मुजब हर पोथी अर रचनाकर्म रै आलोचनात्मक पख माथै बात करणी जरूरी है, इण सूं साहित संसार रो बिगसाव होवै। इण पोथी में सैं सूं मोटी बात जिकी अखरै, बा आ कै सुदामा साहित रै सबळै पख रै पेटै खूब लिखिज्यो है पण आलोचना रै पेटै भोत कमती बात होई है जद कै सुदामाजी सदांई कैवता, ‘सरायोड़ी खीचड़ी दांतां रै लागै’। सांची बात तो आ कै जिका आलोचनात्मक आलेख पोथी में सामल होया है बां में सूं घणकरा बरसां पुराणा है अर कई ठौड़ छप्योड़ा है। जद किणी रचनाकार रै सिरजण साख रै सौ बरसां री बात करां तो नवा आलेख सामीं आवणा चाइजै, क्यूंकै बगत रै साथै सन्दर्भ बदळ जाया करै। जूनै आलेखां में सम्पादन रै बगत सामयिक बदळाव री दरकार ही जिकी नीं हो सकी। सम्पादक आं आलेखां नै, हुवै ज्यूं ई पुरस दिया है जद कै आं री निरख-परख कर’र सामयिक सुधार होवण सूं पोथी री छिब और घणी निखरती।  

पोथी री भूमिका में नंद भारद्वाज लिखै, सुदामाजी रो कविता सूं मनचींतो लगाव सदांई गाढो रैयो पण संचयन में सुदामाजी रै सैं सूं सबळै कविता संग्रै ’ओळभो जड़ आंधै नै’ माथै कोई टीप कोनी, कोई आलेख कोनी, न ही संचयन में इण कविता संग्रै री कोई बानगी है जद कै इण संग्रै री कवितावां बांचां तो ठाह पड़ै कै इण कवि कन्नै अेक न्यारी वैश्विक दीठ है जिण रै पाण बो बारीक सी बात सूं सरू होय’र काव्य संवेदना नै आकासां लग लेय जावै। लिखारा तो पग-पग छेड़ै लाधै पण आ निरवाळी दीठ भोत कमती निगै आवै। इण संग्रै री कविता ‘पाती उग्रवादी री मा री’ अर ‘विस्व सुंदरी रै मिस’ वैश्विक कविता सूं कठैई कमती कोनी। अे कवितावां सुदामाजी नै विस्व स्तरीय कवियां री पांत में खड़्या करै। संचयन में इण माथै चरचा होवण सूं सुदामा रै कवित्व रो अलायदो पख पाठकां रै सामीं आवतो।

सुदामा रै रचाव रो अेक भोत सबळो पख बां री बगत-बेगत लिखियोड़ी भूमिकावां है जिण में साहित अर सिरजक पेटै बांरी निरवाळी सोच सामीं आवै। वैश्विक साहित में कई पोथ्यां री भूमिकावां ई इत्ती चावी-ठावी होई है बै किताब नै ई कड़खै बिठावै। सुदामाजी रै सम्पादन में शिक्षा विभाग कानी सूं छप्योड़ी पोथी ‘कोरणी कलम री’ री भूमिका ई इण बात री साख भरै। इण भूमिका में सुदामाजी फगत नवै लिखारां नै कथ्य, बुणगट अर विषयां रै चयन री सीख ई नीं देवै बल्कि भासा रै मानक स्वरूप पेटै ई भोत ऊंडी बात बतावै। राजस्थानी साहित्य में लिखिजी भूमिकावां में आ सैं सूं सिरै भूमिका मानी जा सकै। नंद भारद्वाज ‘कोरणी कलम री’ रो प्रकासन बरस 1997 बतावै जद कै आ पोथी 1982 री है। सुदामाजी री लिख्योड़ी इणी तरां री निरवाळी भूमिकावां पिरोळ में कुत्ती ब्याई होवै, त्रिभुवन को सुख लागत फीको अर दूजी पोथ्यां में लाधै जिकी आपोआप में अेक मुकम्मल रचना कैयी जा सकै। सुदामा साहित रै मांय इण भूमिका पख माथै ई चरचा होवती तो पोथी री सोभा सवाई होवती।

पण सम्पादक अर सम्पादन री भी अेक सींव होया करै। उण री अबखायां नै कुण जाणै, कदै-कदै सो कीं जाणता, मानता अर चावता थकां ई मनचींती नीं हो सकै, ओ दोस तो  बिधना रै पेटै ई खतावणो पड़ै नीं पछै बात आगै कियां बधै ! कैवणो चाइजै कै ‘सिरजण साख रा सौ बरस’ पोथी नंद भारद्वाज रो अेक अमोलक संचयन है जिको सुदामा रै साहित संसार में नवा पान्ना जोड़या है। नंदजी नै इण सारू घणा-घणा रंग ! इण पोथी रै छेकड़ में सुदामाजी रै साहित्य अर बान्नै मिलिया मान-सम्मान री अेक विगत ई छप्योड़ी है जिकी घणी महताऊ है। सूर्य प्रकासन मंदिर, बीकानेर सूं छपी इण पोथी रो आवरण अर छपाई सरावणजोग है। 

-डाॅ.हरिमोहन सारस्वत ‘रूंख’


Tuesday, 29 August 2023

अंतस रै आंगणै उठतै भतूलिया रो रचाव

(पूनमचंद गोदारा री पोथी अंतस रै आंगणै बांचतां थकां...)

हिंदी रा जगचावा कवि गोपालदास 'नीरज' रो एक दूहो है-

आत्मा के सौंदर्य का, 
शब्द रूप है काव्य
मानव होना भाग्य है,
कवि होना सौभाग्य।

म्हारी जाण में इण सौभाग रै साथै कवि नै आखै जगती पीड़ री एक मिणिया माळा अर दरद रो दुसालो ई ओढण नै मिलै, उण सूं मुगत नीं हो सकै बो कदेई। दरद अर पीड री आ पोट उण नै बेताल दांई ढोवणो ई पड़ै। जे कोई आखतो होय'र आं भारियां नै छोड छिटका देवै, तो पछै उणनै कवि कैवै ई कुण !

सांची बात तो आ कै हर कवि रै अंतस आंगणै घरळ-मरळ चालती रैवणी चाइजै। इणी अळोच सूं मोती निपजै। सबदां रा सोनलिया मोती, जिकां री छिब मिनखपणै में बधेपो करै। कवि नै म्हूं गोताखोर मानूं जिको आपरै अंतस में गोता लगा बो'करै। गोता खावणा सोरा कोनी, सांस अर काळजा दोनूं ठामणा पड़ै एकर तो ! फेरूं ई जरूरी कोनी, मोती लाध ई जावै। कणाई चिलकता मोती, कणाई कादो अर गार, घणी बिरियां तो खाली हाथ बावड़नो पड़ै। पण सांची बात आ कै जित्ता ऊंडा, जित्ता लाम्बा गोता लागसी, बित्तो ई सांतरो रचाव सामीं आसी। किनारै उभ्यै लिखारां नै तो खंख भरिज्योड़ी सिप्यां अर फूट्योड़ा संख ई पल्लै पड़सी, जिका नै धो-पूंछ'र मेळा-मगरियां में भलंई बेच लो, अमोलक अर जगचावा नीं बण सकै बै ! अबै बात आं लिखारां माथै ई छोड़ देवां कै बान्नै कांई चाइजै !

पूनमचंद गोदारा
राजस्थानी में आं दिनां लगोलग पोथ्यां आ रैयी है । रचाव री इण कड़ी में नवी पीढी रो एक नांव है पूनमचंद गोदारा ! बीकानेर जिलै रै बडोड़ै गुसाईंसर गांम रा जाया जलम्या गोदारा अबार शिक्षा विभाग में सेवा देवै। बां री फुटकर रचनांवां तो पत्र पत्रिकावां में निगै आवती रैवै, अबै बां री पैली पोथी 'अंतस रै आंगणै' छपी है।

इण पोथी में 80 कवितावां है जिकां रा तार कणाई कसीजै अर कठैई मोळा पड़ै। पण सरावणजोग बात आ है कै गोदारा कन्नै आपरी एक निरवाळी दीठ है जिणमें कविता री संवेदना है। बान्नै लिखणै सारू अठी-उठी जोवणो नीं पड़ै, अंतस सूं उठता भतूळिया नै बै आपरी कलम रै मिस ढाबै अर कविता रचीजै । बां रा सबद चितराम छोटा होवतां थकां ई पाठकां रै हियै ऊंडा उतरै अर सोचण सारू मजबूर करै। गोदारा आं कवितावां में घर परिवार, प्रेम, प्रकृति, काण कायदा, मिनखपणो, मायड़ भासा अर आपरै ओळै-दोळै रै चितरामां नै लेय'र आपरा मंडाण मांडै। आं कवितावां में थळी री सोरम भेळै पसवाड़ा फोरती अंतस री चींत ई लाधै। बानगी देखो-

सुणां कै/बै ढक्योड़ा मतीरा है/पण मतीरा कित्ता'क दिन रैसी ढक्योड़ा/अर कित्ता'क दिन/दबसी/लड़ सूं लड़/साच है कै/ छेकड़ तो/उघड़ना है पोत/अर उघड़ना है लड़ !

मिनख रै हारयोड़ै सुभाव नै बतावती दूजी कविता 'चीकणो घड़ो' ई सांतरो रचाव है-

अब/रीस कोनी आवै/ना ई आवै कदै बांवझळा/ना घुटै मन/ना आवै झाळ/ना काढूं गाळ !/स्सो कीं सैवतां-खैवतां/नीं ठाह म्हूं/कद बणग्यो चीकणो घड़ो !

सूत रो मांचो बुणतां देख कवि गिरस्ती नै ई मांचै री उपमा देवै।
मांचै अर गिरस्त री बुणगट इण बात पर टिक्योड़ी है कै कुण सी लड़ नै दाबणो अर कुण सी नै उठावणो। मिनखा जियाजूण ईं इणी ढाळै आगै बधै।

मांचै री उठती दबती लड़ां में जियाजूण रै रंगां अर ब्याध्यां नै सोधणो ई तो कविता कानीं बधणै रो पांवडो हुवै। सबदां री न्हाई में तप्यां ई तो सरावणजोग घड़त बणै।

'अंतस रै आंगणै' री कवितावां रा सैनाण देखता भरोसै सूं कैयो जा सकै, कै आवतै बगत में गोदारा री दीठ दिनोदिन और ऊंडी होवैला, बां री कलम सूं ऊजळो रचाव सामीं आवैला। पैली पोथी सारू मायड़ भासा रा हेताळू पूनमचंद गोदारा नै घणा-घणा रंग, गाडो भर बधाइयां !
-रूंख

Thursday, 24 August 2023

ब्याधि रै निरवाळै रंगां री पुरसगारी है 'ब्याधि उच्छब'

(डाॅ. कृष्णकुमार ‘आशु रै व्यंग्य उपन्यास ‘ब्याधि उच्छब’ नै बांचता थकां...)


व्यंग्य कैवणो अर परोटणो सोरो काम कोनी, तीखी दांती सी धार भेळै बाढणै री चतराई राखणी पड़ै। थोड़ा सा ऊक-चूक होया, धार देवण री ठौड़ लेवणी पड़ै ! ओ फगत हांसी ठट्ठो कोनी, बात कैवण रो बेजोड़ ढंग है जिको खासा जगचावो है। आपणै लोक में तो पग-पग छेड़ै इण बाबत निरवाळा रंग लाधै। कुण ई कैयो, थारै ढुंगां में खेजड़ो उगग्यो, ऊथळो मिल्यो-आछी बात, छियां बैठस्यां ! दूजै बूझ्यो, कियां हो ? जवाब  मिल्यो, कियां होवणो हो ! धणियाणी बोली, रोटी जीमस्यो के ? धणी बोल्यो-थूं जीमण री बात करै, म्हूं रंधास्यूं बैंगण री सब्जी ! थे ही बतावो, कोई कांई करल्यै। सांची बात तो आ कै बात नै व्यंग्य री धार लागतां ई आकासां चढज्यै पण संकट ओ है कै बात करणिया लोग रैया ई कित्ताक ! आज घड़ी इण सूं मोटी ब्याधि किसी ?

फेर ब्याधि तो ब्याधि होवै जिण में सौ टंटा अर दोय सौ टंटेर, घणी छेड़ो तो बधती ई जावै। बा ब्याधि उच्छब कद गिणीजै ! हां, जे निजरां कठैई डाॅ. कृष्णकुमार ‘आशु’ सिरखै व्यंग्यकार री होवै तो उण ब्याधि नै उच्छब बणतां कांई जेज लागै। बो आपरी ऊंडी दीठ सूं ब्याधि रा इतरा रंग सणै सैनाण सोध लेवै कै उच्छब री रंगत लाग्यां ई सरै। डाॅ. आशु कन्नै व्यंग्य रै साथै अेक सूझवान पत्रकार री दीठ ई है जिकी आपरै ओळै-दोळै री सैंग बातां नै निरवाळै सिगै सूं बिचारै। इणी दीठ सूं डाॅ. आशु समाजू अबखायां बिच्चाळै मिनखपणै नै जीवतो राखणै री खेचळ करता, कोरोना री जगत ब्याधि नै उच्छब रो नांव देय’र व्यंग्य उपन्यास सामीं लाया है। कोरोना सूं कुण अणजाण, मिनखां री छोड़ो, सणै जिनावरां सगळा रै  गळै में आयोड़ी ! लखायो जाणै ‘पैनेडेमिक’, ‘लाॅकडाऊन’ अर ‘क्वरंटिन’ नांव रै तीन सबदां सामीं सबदकोसां रा सै सबद पांगळा होग्या। पण बीं अबखी बेळा में ई डाॅ. आशु रै मांयलो पत्रकार आपरी व्यंग्य दीठ सूं भांत-भांत रा चितराम मांड मेल्या जिकां रै पाण  ‘ब्याधि उच्छब’ पाठकां रै सामीं आयो है।

 पोथी री भूमिका लिखतां थकां चावा-ठावा लिखारा डाॅ. मंगत बादळ इण नै राजस्थानी रो पैलो व्यंग्य उपन्यास बतायो है। आ ओपती बात है क्यूंकै मायड़ भासा में फुटकर व्यंग्य रचनावां तो खासा लाधै, पोथ्यां ई ठीक-ठाक छप्योड़ी है पण उपन्यास में व्यंग्य री ओ नवो पांवडो है।

डाॅ. आशु रो ओ रचाव कोरोना ब्याधि रै दिनां री पड़ताल करतो आगै बधै। बै कोरोना नै शोले फिल्म रै खलनायक ‘गब्बर’ सूं जोड़’र देखै।  उपन्यास में 13 पाठ राखिज्या है। गोकळचंद नांव रो पत्रकार इण व्यंग्य उपन्यास रो नायक तो नीं, सूत्रधार कैयो जा सकै। बो महामारी नै देखै, उण रा रंग देखै, लोगां रा ढंग देखै अर सरकारू अेलकारां रै हिवड़ै बाजता चंग देखै। मौत रै मंडाण बिच्चाळै ई मिनख आपरी कुजात बतायां बिना नीं रैवै, इण बात नै परोटणै री खेचळ है ओ ब्याधि उच्छब !

लोकराज री भ्रष्ट व्यवस्था रा पोत उघाड़तो ओ उपन्यास उण बगत रो अेक महताऊ दस्तावेज बण्यो है। महामारी में जठै अेकै कान्नी लोग सांस लेवण सारू ताफड़ा तोड़ रैया है तो दूजै खान्नी इण ब्याधि नै उच्छब दांई मनावणियां रा भोत सा चैरा सामीं आवै। आपरी गळफांस काढणै सारू अेक महाभ्रष्ट कलेक्टर रातोरात दूजै प्रांत सूं आयोड़ै भोळै-ढाळै मिनखां नै दूजै जिलै री सींव में डांगरां दांई तगड़ देवै। अेक बाणियै रो परिवार सगळै गळी-मोहल्लै नै करोना री पुरसादी बांट देवै तो  पांच हजार रिपिड़ा देय’र बस में सफर करणियो बिस्यो ई अेक दूजो चैरो कोरोना रो कैरियर बणै अर सगळै बास नै ल्याड़ देवै।

इण उपन्यास में डाॅ. आशु गोकळचंद नांव रै किरदार साथै पूरो न्याव करयो है जिको डाक्टरां सूं लेय’र खुद आपरी बिरादरी री सांगोपांग खबर लेवतो जाबक ई नीं संकै। आज घड़ी उण सिरखा पत्रकार अणबसी सूं सै छळ-छंद देखै अर बांरा पोत उघाड़नै री जबरी खेचळ करै पण सत्ता रा चींचड़ बान्नै जाबक ई नीं धारै। आशु रो गोकळचंद ई पूरै उपन्यास में घणाई ताफड़ा तोड़ै पण कलेक्टर सूं लगाय’र सत्ता रा दलाल उण री पार ई नीं पड़न देवै।

इण उपन्यास रो सूत्रधार सोसल मीडिया रै खतरां सूं सावचेत रैवण री सीख ई देवै जो कोई लेवै तो ! उणरी दीठ में व्हाट्सअप यूनिवर्सिटी तो चालती फिरती धारा तीन सौ दो है जिकी चावै जणाई किणी नै भी अंदर करवा सकै। लाॅकडाऊन री आछी-माड़ी बातां रै मिस इण उपन्यास रो कथानक पीड नै परोटता थकां मिनखपणै रा पोत उघाडै़ अर हळंवै-हळंवै आगै बधै। छेवट म्हे तो चाल्या म्हारै गांम... री तर्ज माथै आपरी बात पूरी करै।

‘डाॅ. आशु’ इण पोथी रो समर्पण महामाया रै नांव सूं करयो है ज्यांरै पुन परताप सूं ब्याधि अर पोथी दोनूं बापरी। इण उपन्यास री बुणगट सांतरी है अर भासा ई सरावण जोग है। अठै इण बात रो जिकरो करणो जरूरी है कै डाॅ. आशु री मायड़ भासा पंजाबी है पण बै बाळपणै सूं ई राजस्थानी माहौल में पाळ्या पोखिज्या, जिण सूं बान्नै राजस्थानी लिखणै बाबत कोई अबखाई नीं। आ गुमेज री बात है। इंडिया नेटबुक्स सूं छप्योड़ी इण पोथी री छपाई अर छिब सरावणजोग है। पोथी रो मोल ई फगत 200 रिपिया राखिज्यो है जिको समैं देखतां कीं घणो कोनी। बात रा टका लागै ई पछै !

-डाॅ. हरिमोहन सारस्वत ‘रूंख’

Monday, 24 July 2023

युवाओं के भविष्य से खिलवाड़ कर रहे हैं गहलोत : दुष्यंत चौटाला


-जेजेपी की किसान महापंचायत में उमड़ा किसानों और समर्थकों का सैलाब


- पूर्व जिला प्रमुख पृथ्वी मील ने अपार जनसमर्थन के साथ दिखाई अपनी राजनीतिक ताकत

सूरतगढ़। जननायक जनता पार्टी
(जेजेपी) की यहां पुरानी धान मंडी में आयोजित किसान महापंचायत में प्रदेशाध्यक्ष व पूर्व जिला प्रमुख पृथ्वीराज मील ने अपनी राजनीतिक ताकत दिखा दी है। उमस और गर्मी के बावजूद इस सभा में हजारों समर्थकों ने उपस्थिति दी। इस महापंचायत में राष्ट्रीय वरिष्ठ उपाध्यक्ष व हरियाणा के उपमुख्यमंत्री दुष्यंत चौटाला सहित कई पदाधिकारियों ने शिरकत की।


इस अवसर पर उप मुख्यमंत्री दुष्यंत चौटाला ने राजस्थान के बदत्तर हालात के लिए कांग्रेस को जिम्मेदार ठहराते हुए अशोक गहलोत को फेलियर मुख्यमंत्री करार दिया है। उन्होंने कहा कि इस सरकार को न किसानों की चिंता है और ना ही युवाओं व महिलाओं की फीक्र है पेपर लीक, खनन माफिया, महिला अत्याचार आदि में यह सरकार अव्वल है। साढ़े चार साल के कार्यकाल में कांग्रेस सरकार ने राजस्थान को गर्त मे डाल दिया है। उप मुख्यमंत्री ने कहा कि एक ही घर से कई जनों का पुलिस भर्ती में चयन होना ईमानदारी से तैयारी करने वाले युवाओं के भविष्य से खिलवाड़ है। इसी तरह एक संत के सत्याग्रह पर गहलोत सरकार ने एक बारगी तो दिखावे के लिए खनन माफिया पर नकेल कसी, लेकिन बाद में पिछले दरवाजे से एंट्री करवाकर वापिस माफियाओं का राज कर दिया।


चौटाला ने कहा कि नेशनल क्राईम ब्यूरो की रिपोर्ट में राजस्थान में महिला अत्याचार के सबसे ज्यादा मामले सामने आए हैं। हरियाणा सरकार को किसानों की मसीहा बताते हुए दुष्यंत चौटाला ने कहा कि वहां पर एक एकड़ फसल खराब होने पर 30 दिनों में 15 हजार रुपए का मुआवजा सीधे खाते में आरटीजीएस करवा दिया जाता है और 19 तरह की फल-सब्जी के कम दाम मिलने पर सरकार भरपाई करती हैं। इसके अलावा 13 तरह की फसल को समर्थन मूल्य पर खरीदा जा रहा है। जबकि राजस्थान में ऐसा कुछ भी नहीं है। इसी कारण किसानों को फसलों की लागत भी नहीं मिलने से उनकी हालत खराब होती जा रही है। उन्होंने कहा कि हरियाणा की सत्ता में 50 फीसदी भागीदारी महिलाओं को दी जाती है और सभी तरह प्राईवेट संस्थानों में दो-तिहाई भर्ती हरियाणा के युवाओं की होती है और वृद्धावस्था पेंशन भी राजस्थान के एक हजार रुपए के मुकाबले 2750 रूपए प्रतिमाह दी जाती है। चौटाला ने कहा कि ये सभी सुविधाएं राजस्थान में लेने के लिए जेजीपी की सत्ता में भागीदारी होनी जरूरी है। इसलिए पृथ्वीराज मील को यहां से विजयी बनाकर भेजे, फिर राजस्थान में किसानों, युवाओं, महिलाओं, बुजुर्गों की हितैषी सरकार सुलभ हो सकेगी। उन्होंने गांवों में शिक्षा का स्तर बढ़ाने के लिए वहां के देवालयों में खाली पड़े कमरों में पुस्तकालय खोलने का सुझाव दिया।



प्रदेशाध्यक्ष पृथ्वीराज मील ने उपस्थित जनसमूह का आभार जताते हुए कहा कि उनके छोटे से बुलावे पर हजारों की तादाद में लोगों ने पहुंच कर उनकी जिम्मेदारी व जवाबदेही और बढ़ा दी है। उन्होंने कहा कि वे कोई वादा नहीं करेंगे, सिर्फ बुलंद व सकारात्मक इरादे लेकर आपके बीच आए हैं और आपके सहयोग से सूरतगढ़ का राजनीतिक परिदृश्य बदलेंगे। मील ने कहा कि उन्होंने जिला प्रमुख के कार्यकाल में भ्रष्टाचार का एक भी आरोप नहीं लगने दिया। और विश्वास दिलाता हूं कि आपकी भावनाओं को कभी ठेस नहीं लगने दूंगा।

कार्यक्रम में पार्टी के राष्ट्रीय सचिव संजय चोपड़ा, राष्ट्रीय प्रधान महासचिव दिग्विजय सिंह, प्रदेश प्रधान महासचिव रामनिवास यादव, युवा प्रदेशाध्यक्ष प्रतीक महरिया, अल्पसंख्यक मोर्चा के मोहम्मद फारूख, हरियाणा प्रभारी अशोक वर्मा आदि ने भी शिरकत की।

उप मुख्यमंत्री दुष्यंत चौटाला का विशाल माला पहनाकर गर्मजोशी से स्वागत किया गया। अंत में सालासर बालाजी की तस्वीर भेंट कर सम्मान किया गया। महापंचायत की शुरुआत में लाफ्टर चैम्पियन ख्याली सहारण, विख्यात हरियाणवी पॉप सिंगर एमडी, आरजे-13 जगजीत सिंह, जिन्नी सिंगर ने अपनी प्रस्तुतियों से समा बांध दिया। 

Tuesday, 18 July 2023

पृथ्वी मील बदल सकते हैं सूरतगढ़ के समीकरण

- जेजेपी और भाजपा के राष्ट्रीय गठबंधन से उड़ी स्थानीय भाजपा नेताओं की नींद


- व्यक्तिगत लोकप्रियता के मामले में सबसे आगे हैं पृथ्वी मील


कहावत है, कभी-कभी चींटी भी हाथी पर भारी पड़ जाती है और देखते ही देखते संभावित परिणाम बदल जाते हैं. जननायक जनता पार्टी के प्रवेश के बाद सूरतगढ़ की राजनीति में भी यदि ऐसा कुछ हो जाए तो ज्यादा आश्चर्य नहीं होना चाहिए. राजनीति में छोटे क्षेत्रीय दलों के अस्तित्व को आप भले ही हवा में उड़ाने की कोशिश करें लेकिन हकीकत यह है कि भारतीय राजनीति में इन दलों का महत्व निरंतर बढ़ रहा है. बंगाल और दक्षिण की राजनीति तो क्षेत्रीय दल ही तय करते रहे हैं. पड़ोसी राज्य हरियाणा और पंजाब में भी शिरोमणि अकाली दल और जेजेपी का अपना वोट बैंक है जो सत्ता को प्रभावित करता है.

भाजपा अध्यक्ष जेपी नड्डा ने जिस हिसाब से छोटे क्षेत्रीय दलों को 2024 के लोकसभा चुनाव के मद्देनजर रणनीति तैयार करने के लिए आमंत्रित किया है उससे यह स्पष्ट है कि भारतीय राजनीति में क्षेत्रीय दलों का महत्व कम नहीं आंका जा सकता. विपक्ष तो अधिकांशत: क्षेत्रीय दलों का ही गठजोड़ हैं. भारत की विविधता को देखते हुए क्षेत्रीय दलों के यह गठजोड़ समय की आवश्यकता कहे जा सकते हैं.

सूरतगढ़ की राजनीति में जननायक जनता पार्टी ने पूर्व जिला प्रमुख पृथ्वी मील का नाम उछाल कर सभी संभावित प्रत्याशियों के खलबली मचा दी है. पार्टी ने उन्हें न सिर्फ प्रदेशाध्यक्ष घोषित किया है बल्कि उनके समर्थन में 24 जुलाई को पुरानी धान मंडी में किसान महापंचायत भी आयोजित कर रही है. इस सभा में पार्टी के राष्ट्रीय अध्यक्ष डॉ. अजय सिंह चौटाला और हरियाणा के उपमुख्यमंत्री दुष्यंत चौटाला समेत कई दिग्गज नेताओं के आने की उम्मीद है. संभावनाएं जताई जा रही है कि जेजेपी और पृथ्वी मील का यह शक्ति प्रदर्शन सूरतगढ़ के समीकरण बदल सकता है.


सूरतगढ़ विधानसभा क्षेत्र में यदि किसी विधायक की व्यक्तिगत लोकप्रियता की बात करें तो विजयलक्ष्मी विश्नोई का नाम सबसे ऊपर आता है. उनके बाद जितने भी विधायक बने उन सबकी लोकप्रियता एक वर्ग विशेष तक सीमित रही, कभी भी वे साधारण जनमानस में अपना प्रभाव नहीं छोड़ पाए. यही कारण है कि पार्टियां उन पर अगले चुनाव में दांव लगाने से बचती रही. जहां तक पृथ्वी मील की बात है, उन्हें भले ही विधायक बनने का मौका ना मिला हो लेकिन उनकी लोकप्रियता दूसरे प्रत्याशियों के मुकाबले कहीं बेहतर है. जिला प्रमुख के रूप में उनका कार्यकाल आज भी लोग याद करते हैं. बच्चे हों या बड़े बूढ़े, स्त्री हो या पुरूष, नौजवानों से लेकर सभी आयु वर्गों और जातियों में उनकी बराबर पैठ है. उनकी मिलनसारिता और व्यवहार कुशलता सबको प्रभावित करती है. सबसे बड़ी बात आमजन की सहानुभूति उनके प्रति हमेशा रही है जिसका सीधा फायदा उन्हें मिल सकता है. उनकी ग्रामीण जन सभाओं में उमड़ रही भीड़ यही संकेत देती है.

राजनीति में किसी भी संभावना से इनकार नहीं किया जा सकता. सभी राजनीतिक विश्लेषक मानते हैं कि नरेंद्र मोदी 2024 के चुनाव में अपनी पार्टी को जीतने के लिए किसी भी हद तक जा सकते हैं. लोकसभा चुनाव से पूर्व होने वाले बड़े राज्यों के विधानसभा चुनाव में उनकी पार्टी क्षेत्रीय दलों से गठजोड़ की कोई संभावना नहीं छोड़ना चाहती. फिर जेजेपी के साथ तो हरियाणा में उनका पुराना गठबंधन है, लिहाजा राजस्थान चुनाव में समझौते के तौर पर भाजपा यदि दो तीन सीटें छोड़ भी दे तो बदले में उन्हें लोकसभा चुनाव में फायदा मिल सकता है. जेजेपी के लिहाज से सूरतगढ़ सीट सर्वाधिक उपयुक्त भी है जहां कांग्रेस और भाजपा दोनों को साधना अधिक आसान है. यहां कांग्रेस में कमजोर संगठनात्मक ढांचे के चलते नगरपालिका मंडल भी उनके हाथ से निकल चुका है वहीं भाजपा में एक अनार सौ बीमार वाली स्थिति है. ऐसी स्थिति में पृथ्वी मील जेजेपी के लिए एक उपयुक्त प्रत्याशी हैं जो राजस्थान विधानसभा में उनका खाता खोल सकते हैं.

चुनाव परिणाम चाहे कुछ भी रहे लेकिन इतना तय है कि पृथ्वी मील की उपस्थिति ने सूरतगढ़ विधानसभा क्षेत्र के समीकरण बदल दिए हैं.

-डॉ.हरिमोहन सारस्वत

Thursday, 6 July 2023

चारण के राजस्थानी काव्य संग्रह ‘अगनसिनान’ के हिंदी अनुवाद का लोकार्पण


विख्यात समालोचक डॉ. नीरज दइया ने किया है अनुवाद

बीकानेर, 6 जुलाई। राजस्थानी के महत्त्वपूर्ण कवि डॉ. अर्जुन देव चारण की कविताओं को अनुवाद के माध्यम से हिंदी के समृद्ध पाठक वर्ग तक पहुंचाने का डॉ. नीरज दइया ने सराहनीय कार्य किया है। अनुवाद दो भाषाओं के मध्य सेतु का कार्य करता है, यह प्रक्रिया निरंतर गतिशील रहनी चाहिए।

प्रतिष्ठित कवि-चिंतक डॉ. नंदकिशोर आचार्य ने ये उद्गार सुपरिचित कवि-आलोचक डॉ. नीरज दइया द्वारा डॉ. अर्जुन देव चारण के राजस्थानी काव्य संग्रह ‘अगनसिनान’ के हिंदी अनुवाद-कृति के लोकार्पण कार्यक्रम में मुख्य अतिथि के रूप में व्यक्त किए।

डॉ. आचार्य ने कहा कि साहित्यिक रूप से राजस्थानी को मान्यता मिली हुई है। साहित्य अकादमी प्रतिवर्ष राजस्थानी कृतियों को पुरस्कृत करती रही है किंतु संवैधानिक मान्यता के लिए राजस्थानी साहित्यकार वर्षों से संघर्षरत हैं। उन्होंने कहा कि कविता, कहानी आदि साहित्यिक विधाओं में निरंतर सृजन करने के साथ-साथ राजस्थानी लेखकों को विज्ञान, समाजशास्त्र, मनोविज्ञान, आर्थिकशास्त्र आदि विभिन्न विषयों पर भी मौलिक लेखन करना चाहिए तथा अनुवाद के माध्यम से भी इन विषयों की पुस्तकें राजस्थानी पाठकों तक पहुंचाने के प्रयास करने चाहिए।

नेगचार संस्था की ओर से आयोजित कार्यक्रम की अध्यक्षता करते हुए वरिष्ठ कवि सरल विशारद ने कहा डॉ. नीरज दइया प्रतिभाशाली साहित्यकार हैं जो मौलिक लेखन के साथ-साथ अनुवाद कार्यों को भी गंभीरतापूर्वक करते रहे हैं। आपने नंदकिशोर जी की कविताओं का हिंदी में राजस्थानी में अनुवाद किया है जो एक बहुत बड़ा कार्य है इसी प्रकार अर्जुन देव चारण की कविताओं का हिंदी में आना एक बड़ा कार्य है।

विशिष्ट अतिथि पंडित जवाहर लाल नेहरू बाल साहित्य अकादमी के उपाध्यक्ष बुलाकी शर्मा ने कहा कि  डॉ नीरज दइया वर्षों से अनुवाद कार्य में संलग्न हैं। उन्होंने राजस्थानी और हिंदी में परस्पर अनुवाद से देश में जहां राजस्थानी साहित्य को दूर दूर तक पहुंचाया है वहीं भारतीय साहित्य को राजस्थानी में लाकर अनुवाद को सृजनात्मकता के अनेक आयाम प्रस्तुत किए हैं। अगनसिनान की लंबी कविताएं हिंदी के माध्यम से अन्य भारतीय भाषाओं में जाएगी तब निसंदेह यह प्रमाणित होगा कि राजस्थानी में श्रेष्ठतम साहित्य सृजन हो रहा है।

डॉ नीरज दइया ने अनुवाद-कार्य के अनुभवों को साझा करते हुए कहा कि इस संग्रह में डॉ. अर्जुन देव चारण की पौराणिक और ऐतिहासिक स्त्री चरित्रों के मनोभावों को लेकर सृजित लंबी कविताएं हैं। इनका अनुवाद करते यूं लगता रहा जैसे ये स्त्री चरित्र साक्षात उपस्थित होकर अपनी व्यथा-कथा बता रहीं हैं। ये कविताएं हिंदी पाठकों को निःसंदेह गहरे तक संवेदित और उद्वेलित करेंगी।

युवा आलोचक डॉ ब्रज रतन जोशी ने कहा कि डॉ. अर्जुन देव चारण को प्रमुखत एक नाटककार के रूप में जाना-पहचाना जाता है किंतु वे बड़े कवि और आलोचक के साथ चिंतक के रूप में अपना विशिष्ट स्थान रखते हैं। अगनसिनान की कविताएं उनके कवि रूप को दूर दूर तक ले जाने में सहयोग कर राजस्थानी कविता की कीर्ति में श्रीवृद्धि करेगी। आभार प्रदर्शन सूर्यप्रकाशन मंदिर के निदेशक डॉ प्रशांत बिस्सा ने व्यक्त किया

राजस्थान साहित्य अकादमी के पुरस्कारों में छाए 'इक्कीस' के विद्यार्थी

अकादमी द्वारा वर्ष 2023-24 के घोषित वार्षिक पुरस्कारों में पांच पुरस्कार लेकर रचा नया इतिहास उदयपुर। 26 सितंबर। ग्रामीण क्षेत्र में शिक्षा ...

Popular Posts